- १९ असार २०८३, शुक्रबार / Jul 3, 2026
कैलाली । गेटामा मेडिकल कलेज बनाउने भनेर भौतिक संरचना बनाइयो । तर दुविधा उत्पन्न गराइएपछि हाल अन्योल र आक्रोश पैदा भएको छ ।
माघ २९ गते प्रधामन्त्री पुष्पकमल दाहाल नेतृत्वको सरकारले सहिद दशरथ चन्द स्वास्थ्य विज्ञान विश्वविद्यालय सञ्चालन गर्ने निर्णय गर्यो । सो निर्णयको सुदूरपश्चिमबासीले स्वागत गरे ।
तर, त्यही निर्णय हालैको बजेट भाषणको क्रममा नपरेपछि सरकारको चर्को आलोचना भएको छ । बजेट भाषणमा प्रतिष्ठान चलाउन बजेटको व्यवस्था गरिने कुरा उल्लेख छ ।
तर गेटामा ६ सय शय्याको अस्पताल चलाउन भौतिक पूर्वाधार तयार भए पनि सय शय्याको अस्पताल चलाउन बजेट आउने भएको छ । गेटामा विश्वविद्यालय चलाउने निर्णयबाट सरकारपछि हटेको भन्दै सुदूरपश्चिमका सांसदहरूको आलोचना हुन थालेको छ ।
स्वास्थ्य विज्ञान विश्वविद्यालय सञ्चालन गरे सुदूरपश्चिमको स्वास्थ्य क्षेत्रमा आमूल परिवर्तन भइ कोशेढुंगा सावित हुने आशा गरिएको छ ।
तर सरकारको बजेट भाषणले सुदुरपश्चिमबासीमा निराशा छाएको छ ।
