चियाको उत्पादन राम्रो, गाउँपालिकाको प्राथमिकता छैन

महाकुलुङ । सोलुखुम्बुको महाकुलुङ गाउँपालिकाभित्र चिया खेतीको उत्पादन राम्रो छ । उसो त पालिकाका सबै वडामा चियाखेति गर्न लायकको ठाउँ छ ।

कृषकलाई चियाको बिउ वितरण तथा उत्पादनमा सहयोग गरिरहेको गाउँपालिकाका अध्यक्ष सूर्य बहादुर कुलुङले बताए ।

त्यो कार्य १२ ओटाबढी संस्थाले गरेको उनको भनाइ छ । तर पालिकाको नजर नपुगेको स्थानीय बताउँछन् । वडा नं ४ र ५ का किसानहरु अँलैची उत्पादनबाट आत्मनिर्भर बनिरहेको अवस्थामा पालिका भने बेखवर बनेको छ ।

५ वटै वडामा अँलैची खेती राम्रो हुन्छ । ५० करोडसम्मको अँलैची बेचेको रेकर्ड किसानसंग छ । पछिल्लो समय किसानहरु किबि खेतीतर्फ आकर्षित भएकाले अलैचीमा ध्यान नदिएको कतिपय किसानको भनाइ छ ।

तर अँलैची उत्पादन बढाउन तथा बजार व्यवस्थापनको लागि पालिकाले खासै ध्यान दिएको छैन ।