- ७ आश्विन २०८३, बुधबार / Sep 23, 2026
भक्तपुर . चाँगुनारायण नगरपालिकाले बजार अनुगमनलाई तीब्रता दिएको छ । दुवाकोट एरियामा रहेका मिनिमार्ट र खाद्य पसल अनुगमन गरेको हो ।
अनुगमनका क्रममा खाद्य स्टोरमा टाइचीन चिउरामा उपभोग्य मिति लेवल नभए, म्याद नाघेको तेललगायत फेला पारेको छ ।
अनुचित व्यवसायीक जन्य क्रियाकलाप गरेको भन्नै पहिलो पटक सचेतनाका लागि रु ५००० जरिवाना गरेको छ ।
पाथिभरा खाद्य स्टोरबाट म्याद नाघेको बिगुल तेल ४ पाकेट, दिव्य ५ पाकेट, क्विक्स चिजवल ६० पाटेक, क्विक्स चिप्स ४० पाकेट र चोकके अन चकलेट ३ वट्टा जफत गरि नष्ट गरिएको छ ।
साथै नगरपालिकामा दर्ता नभएहरुलाई ७ दिन भित्र व्यवसाय दर्ता नविकरण गर्न दिर्नेशन दिएको छ ।
बस्ताकोटी किराना स्टोरमा बिक्री गर्न राखेको भुजियामा उपभोग्य मिति नभएको र प्याकेजिङ्ग सामानहरु खाद्य अनुज्ञा पत्र लिई लेवल राखी मात्र विक्री वितरण र म्याद नाघेको सामानहरू छुट्टै राख्न निर्देशन दिएको छ भने सचेतनाका लागि नगरपालिकाले रु २००० जरिवाना गरेको छ ।
के.एम.सी. किराना पसलमा प्याद नाघेको ध्यू १ वट्टा र कुकिज १ पाकेट नष्ट गरको छ ।
व्यवसाय दर्ता गर्न ७ दिन भित्र नगरपालिकामा दर्ता गर्न निर्देशन दिएको अनुगमन अधिकृत सुरज पौडेलले बताए ।
