- २० श्रावण २०८३, बुधबार / Aug 5, 2026
काठमाडौं । अर्थमन्त्री जनार्दन शर्माको राजीनामा माग गरिएको छ । बजेट निर्माणमा अनधिकृत व्यक्तिको संलग्नता रहेको भन्दै प्रमुख प्रतिपक्षी दल नेकपा एमालले अर्थमन्त्री जनार्दन शर्माले दिएको स्पष्टीकरण चित्तबुझदो नभएको भन्दै प्रतिनिधिसभा अवरुद्ध गर्नुका साथै अर्थमन्त्री शर्माको राजीनामा माग गरेको हो ।
नेकपा एमालेका संसदीय दलका प्रमुख सचेतक विशाल भट्टराईले संसदीय छानबिन गठन गर्नुपर्ने माग गर्दै बजेट निर्माणमा अनधिकृत व्यक्तिको संलग्नताका विषयमा छानबिन गर्न आग्रह गरे ।
उनले भने ‘यो गम्भीर विषय सदनमा प्रवेश भइसकेपछि, सारा जनताले थाहा पाइसकेपछि, मिडियामा आइसकेपछि खास खास घरानाका मान्छेले प्रश्रय दिने गरी करको दरमा हेरफेर भइसकेपछि यो सदन मुकदर्शक भएर बस्न सक्दैन’ विगतमा अर्थमन्त्रीले गल्ती गर्दा राजीनामा दिएको नजिर रहेको भन्दै उनले अर्थमन्त्रीले राजीनामा दिनु उपयुक्त हुने बताए ।
भट्टराईले जेठ १४ गते राति अर्थ मन्त्रालयमा बजेट निर्माण भइरहेको ठाउँको सीसीटीभी फुटेज सार्वजनिक गर्न पनि माग गरे । सभामुख अग्निप्रसाद सापकोटाले यस विषयमा आफूले अरु सांसदहरुले पनि प्रश्न लिने र अर्थमन्त्रीले जवाफ दिने बताए पनि एमाले सांसदहरुले मानेपछि संसद बैठक असार १ गते विहान ११ बजेसम्मका लागि स्थगित गरे ।
