जनताको नेता र प्रधानमन्त्री भए एमसीसी च्यातेर फाल्न सांसद सुवालको आग्रह

काठमाडौं । नेपाल मजदुर किसान पार्टीका सचिव तथा प्रतिनिधि सभा सदस्य प्रेम सुवालले नेपाल अमेरिकाको नयाँ गोरखाली सेना नबन्ने बताएका छन् । विहिबार नेपाल मजदुर किसान पार्टीले एमसीसीविरुद्ध गरेको प्रदर्शनपछिको सभामा बोल्दै सांसद सुवालले अमेरिकाको नयाँ गोरखाली सेना अब नबन्ने ठोकुवा गरेका हुन । सांसद सुवालले एमसीसीको पैसा खाने देशलाई त्याहाको जनताले पत्तासाप गरेको जानकारी दिदै एमसीसी ल्याउने नेपाली काँग्रेसलाई आउँने चुनावमा जनताले पत्तासाप गरेरै छोड्ने तर्क गरे ।

उनले अमेरिकाले थरकाएपछि एमसीसी टेवुल भएको बताउँदै डराएर हुन्छ भन्दै प्रश्न समेत गरेका थिए । सांसद सुवालले सिंहदरबारमा बस्नेहरु डराउन नहुने बताउदै नेपाली जनताको प्रधानमन्त्री हुने भए एमसीसी च्यातेर फाल्न प्रधानामन्त्री देउवालाई आग्रह समेत गरे । सांसद सुवालले एमसीसी खारेज नभएसम्म आफ्नो पार्टीले आन्दोलन जारी राख्ने बताए । कार्यक्रममा पार्टी केन्द्रीय सदस्य एवं बागमती प्रदेश सांसद् सृजना सैंजू, पार्टी केन्द्रिय सदस्य रवीन्द्र ज्याख्व, विद्यार्थी नेताहरु प्रकाश गुरुग, सुरेश परियारलगायतले एमसीसीको विषयमा सम्बोधन गरेका थिए । भिडियाे ………..