- २ श्रावण २०८३, शनिबार / Jul 18, 2026
दाङ । भवन निर्माणको रकम भुक्तानी नपाएको भन्दै सल्यानका ठेकेदारले विद्यालयमा लगाएको ताला १४ दिन बित्दा पनि खोलेका छैनन् । ठेकेदारले त्रिवेणी गाउँपालिका–१ रिठाचौर काभ्राको जनता माध्यमिक विद्यालयका दुईवटा भवनमा ताला लगाएको र नखोल्दा एसईई परीक्षा सञ्चालन गर्न समस्या भएको विद्यालय प्रशासनले जानकारी दिएको छ ।
ठेकेदार दामोदर वलीले चैत ३ गते विद्यालयको ८ कोठे र ४ कोठे दुई भवनमा ताला लगाएको विद्यालय प्रशासनको भनाइ छ । आजदेखि सुरु हुने एसईईमा उक्त विद्यालयमा जिल्लाका पाँच विद्यालयको परीक्षा केन्द्र तोकिएको छ ।
राधेश्याम माबि गैरागिठी, माबि टोटके, नेरा माबि रेख फलाबाङ, सल्यानी पब्लिक स्कुल र त्रिवेणी माबि सरिकोटका गरी १५७ जना विद्यार्थी सो विद्यालयमा तोकिएको परीक्षा केन्द्रमा सहभागी हुँदैछन् । परिक्षाको सिट व्यवस्थानमा कठिनाइ भएको सहायक प्रधानाध्यापक कृष्णराज बुढाथोकीले बताए ।
एसईईको मुखमा तालाबन्दी हुँदा विद्यालयमा परीक्षा सञ्चालनका लागि प्रशासनिक कामकाज गर्न समेत समस्या भएको छ । विद्यालयमा लागेका ताला खोल्न ठेकेदारलाई पटक–पटक आग्रह गरे पनि नमानेको
त्रिवेणी गाउँपालिका अध्यक्ष खिमबहादुर रावतले बताए ।
