‘दर्पणछायाँ ३’ को सुटिङ सिक्किमबाट

काठमाडौं । चर्चित फिल्म ‘दर्पणछायाँ’को तेस्रो श्रृंखलाको छायांकन सिक्किमबाट सुरु हुने भएको छ ।

यसै महिनाभित्र फिल्मको मुहूर्त हुने र जनवरीबाट छायांकन सुरु गर्ने योजना रहेको सिक्किम फिल्म बोर्डकी अध्यक्ष पूजा शर्माले बताइन् ।

अभिनेता उत्तम प्रधान र अध्यक्ष शर्माबीच ‘दर्पणछायाँ ३’ को छायांकनका विषयमा छलफल भएको शर्माले जानकारी दिइन् ।

प्रमुख भूमिकामा देखिएका उत्तमले तेस्रो शृंखलामा अभिनयका साथै निर्देशन समेत गर्ने भएका छन् । फिल्ममा उत्तमसहित दिलीप रायमाझी र निरुता सिंह प्रमुख भूमिकामा हुनेछन् ।

अधिकांश कलाकार सिक्किमबाट लिने उत्तमले बताए ।