- २८ भाद्र २०८३, आईतवार / Sep 13, 2026
काठमाण्डौ । रसुवागढी नाकाबाट दुई ट्रक स्वास्थ्य सामग्री नेपाल पुगेको छ । चीनबाट आयात भएका दुई ट्रक स्वास्थ्य सामग्री नेपाल भित्रिएका हुन् ।
भन्सार जाँच गर्ने कामसमेत सकेर ती ट्रक गन्तव्यतर्फ पठाइएको रसुवा भन्सार कार्यालय टिमुरेका प्रमुख भन्सार अधिकृत पुण्यविक्रम खड्काले बताए । केरुङ नाका हिजोदेखि सञ्चालनमा आएको पछि चिनियाँ पक्षले दिएपछि स्वास्थ्य सामग्री मितेरी पुलमा आइपुगेका थिए ।
अन्य सामग्री आयातका लागि सीमा क्षेत्रका चिनियाँ अधिकारीसँग समन्वय भइरहेको र भोलि पाँच ट्रक सामग्री रसुवागढी आइपुग्ने उनले जानकारी दिए । चिनियाँ पक्षले रसुवागढी नाकाको भन्सार यार्ड पनि अवलोकन गरिसकेको प्रमुख जिल्ला अधिकारी पन्तले जानकारी दिए ।
