दैलेखको आठबीस नगरपालिकामा विद्युतीय हाजिरी संचालन

दैलेख । दैलेख जिल्लास्थित आठबीस नगरपालिकाले विद्युतीय हाजिरी (ई–हाजिरी) सुरु गरेको छ । नगरपालिकाबाट प्रबाह हुँने सेवा सुबिधा थप प्रभाकारी बनाउन आठबीस नगरपालिका नगरकार्यपालिकाको कार्यालय राकम कर्णालीमा सोमबारबाट विद्युतीय (ई–हाजिर) सुरु गरिएको हो ।

आठबीस नगरपालिकाका प्रमुख प्रसाशकिय अधिकृत दिलबहादुर शाहिले ई–हाजिर गर्दै री विद्युतीय हाजिरीको सुभारम्भ गरेका हुन । कर्मचारीलाई अनुशासन र समयको पालना गराउन विद्युतीय हाजिर गर्नु उपयुक्त माध्यम हुने प्रमुख प्रशासकीय अघिकृत दिलबहादुर शाहीले जानकारी दिए । उनले सुशासनको पाटोलाई पनि थप मजबुत बनाउने विश्वास व्यक्त गरे ।

नगरपालिकाको कार्यालयमा बिहान ठिक १० : ०० बजे कार्यालयमा उपस्थित भएर हाजिर गर्ने र घर अफिसबाट साझ ५ : ०० बजे अनिवार्य हाजिर गर्नु पर्ने प्रावधान रहेको छ। केही समय भित्रै नगरपालिका भरीका वडा कार्यालय, स्वास्थ्य संस्था ,बिद्यालय लगाएत सरकारी तथा गैरसरकारी संस्थामासमेत विद्युतीय हाजिर जडान गर्ने नगरपालिकाको योजना रहेको प्रमुख प्रशासकीय अघिकृत दिलबहादुर शाहीले जानकारी दिए । उनले नगरपालिकाले विद्युतीय हाजिरका आधारमा कर्मचारीहरुको तलब निकासा हुने बताए ।