दोलखाको गौरीशंकर गाउँपालिका सेतीदेवि मतदान केन्द्रमा झडप

दोलखा । गौरीशंकर गाउँपालिकाको सेतीदेवि मावि मतदान केन्द्रमा गठबन्धन र एमाले युवाबीच झडप भएको छ ।

माओवादी कार्यकर्ता र एमाले कार्यकर्ताबीच झडप भएको हो । माओवादी निकट युवाहरूले बुथ कब्जा गर्न खोज्दा एमाले युवाले प्रतिवाद गरेको झडपमा परेर घाइते भएका युवाले बताएका छन् ।

‘दुई पक्षबीच बिवादसँगै झडपको अवस्था सिर्जना भएको बुझिएको छ । उम्मेदवार विश्वराज कार्की निकट युवाले रड, खुकुरी प्रहार गरी घाइते बनाएको नेपाल उत्पीडित मुक्ति समाजका स्थायी कमिटि सदस्य डिल्लीध्वज वराइलीले बताए ।

झडपमा परी एमाले बागमती प्रदेश उपभोक्ता संरक्षण विभाग सदस्य दिलिप खड्का, वडा नं २ का पार्टी अध्यक्ष राजाराम कार्की, विद्यार्थी अध्यक्ष नविन रावत, प्रदिप कार्की, प्रकाश केसी, प्रविण कार्कीलगायत दर्जन घाइते भएको र उनीहरूको उपचारका लागि चरिकोट लैजादै गरेको डिल्लीध्वज बराइलीले बताए ।