मतपेटिकामा आगजनी

नवलपरासी । पूर्वको देवचुली नगरपालिका –४ झाँक्रेको एक मतदान केन्द्रको मतपेटिकामा आगजनी भएको छ ।

शान्ति सिर्जना आधारभूत विद्यालय मतदान केन्द्रमा प्रदेशसभातर्फको समानुपातिक पद्धतिको मतपेटिकामा आगजनी भएको हो ।

आगजनी पछि प्रहरीले स्थानीय नारायण भण्डारीलाई पक्राउ गरेको छ ।मतपेटिकामा उनले बडीलोसन दलेर खसाएको बयान दिएका छन् ।

आग्जनी गरेपछि भण्डारी भागेका थिए । २ किलोमिटर टाढा पुगेर प्रहरीले उनलाई पक्राउ गरेको प्रमुख जिल्ला अधिकारी सुमन घिमिरेले बताए ।