नक्कली शरणार्थी प्रकरणमा १४ जना फरार, १६ जनाको बयान लिन सुरु गरिने

काठमाडौं । शुक्रबारदेखि नक्कली भुटानी शरणार्थी प्रकरणमा मुद्दा दर्ता गरिएकाहरुको अदालतमा बयान लिन थालिने भएको छ । काठमाठौं जिल्ला अदालतमा शुक्रबार गत बुधबार मुद्दा दायर गरिएका १६ जनाको बयान लिन सुरु गरिन भएको हो । प्रहरीले पक्राउ परेकाहरुलाई हिरासतमा प्रारम्भिक बयान लिएर गत बुधबार अभियोजनपत्र दर्ता गरेको थियो ।

उनीहरुले न्यायाधीशसमक्ष बयान दिनेछन् । बयान सकिएपछि थुनछेकको बहस सुरु हुनेछ । थुनछेकको बहसपछि पक्राउ परेकाहरुलाई थुनामा राख्ने वा धरौटीमा रिहा गर्ने भन्ने आदेश हुनेछ । प्रहरीले उक्त प्रकरणमा ३० जनालाई प्रतिवादी बनाएको छ । प्रतिवादी बनाइएका १४ जना भने अहिले पनि फरार छन् ।