- २७ श्रावण २०८३, बुधबार / Aug 12, 2026
काठमाडौँ । नयाँ सरकार गठनमा जनता समाजवादी पार्टी विभाजित देखिएको छ ।
प्रकिया अघि बढाउन कांग्रेस, माओवादी र जसपका अध्यक्ष उप्रेन्द्र यादवले सोमबार साँझ संयुक्त विज्ञप्ति जारी गरे । त्यसको केही घण्टा नवित्दै सोमबार मध्यराति जसपाकै अर्का अध्यक्ष महन्थ ठाकुरले नयाँ सरकार गठनमा सहभागी नहुने विज्ञप्ति जारी गरे ।
राष्ट्रपति विद्यादेवी भण्डारीले संविधानको धारा ७६ को उपधारा (२) अनुसार बहुमतको सरकार बनाउन दलहरूलाई सोमबारै राति आह्वान गरिन् । दुई वा दुईभन्दा बढी दल मिलेर यही वैशाख ३० गतेभित्र बहुमत पुर्याई नयाँ सरकार गठन गर्नुपर्ने विज्ञप्तिमा उल्लेख छ।
