निजामती सेवामा तलब भत्ता समायोजन हुनुपर्ने माग

काठमाडौ। नेपाल निजामती कर्मचारी युनियनले निजामती सेवामा तलब भत्ता समायोजन हुनुपर्ने माग अघि सारेको छ ।

आज काठमाडौँमा पत्रकार सम्मेलन गर्दै युनियनले संघ, प्रदेश र स्थानीय तहमा कार्यरत सबै तह, श्रेणी र पदका कर्मचारीहरूलाई देशको आर्थिक अवस्था, सामाजिक परिवेश, बढ्दो महंगीका आधारमा तलब तथा सेवा सुविधाको व्यवस्था गरिनुपर्ने माग राखेको हो ।
अध्यक्ष गोपालप्रसाद पोखरेलले अर्थमन्त्रीलाई भेटेर आफूहरूले मागहरू पेस गरेको जानकारी दिए ।

समान पदमा रहेको सुरक्षा निकायमा काम गर्ने कर्मचारीभन्दा निजामती कर्मचारीको मर्यादाक्रम अगाडि रहेको बताउँदै उनले सुरक्षा निकायका कर्मचारीको र निजामती कर्मचारीको तलबमा विभेद रहेका गुनासो गरेका छन् । अध्यक्ष पोखरेलले आफूहरूको माग आगामी आर्थिक वर्ष २०८१०८२ को बजेटमा सम्बोधन हुनुपर्ने स्पष्ट पारे ।