नेपाली रेस्लरको जापानमा जित

काठमाडौं । मैत्रीपूर्ण रेस्लिङ प्रतियोगितामा नेपाली रेस्लरले जित हात पारेका छन् ।

जापानको ओसाकामा भएको उक्त रेस्लिङमा भरतबहादुर बिसुराल (हिमालयन टाइगर),भगवती खड्का (युनिका) र अस्मिता सुनार (जुरेली)ले प्रतिस्पर्धा गरेका थिए ।

भगवती र जुरेलीको जोडीले मेडे टाइगर्ल, जाक्युएर योकोटा र हानाजोनो मोमोकालाई पराजित गरेकी थिए भने हिमालयन टाइगरले अमेरिका र जापानका रेस्लरलाई पराजित गरेका थिए ।

एनआरएनए कोन्साइ कमिटी, ओसाकाको सहयोगमा भएको रेस्लिङ जित्दा नेपाली उत्साही भएर बधाइ दिएका छन् ।