- २ कार्तिक २०८३, सोमबार / Oct 19, 2026
काठमाडौं । साताको सेयर बजार परिसूचक नेप्सेमा सामान्य गिरावट भएको छ । एक सातासम्म लगातार बढेर सोमबार ६९ अंकको गिरावट भएको नेप्सेमा मंगलबार दिनभर उतार–चढावबीच २.६६ अंकले घटेर २५१८.९९ अंकमा बन्द भएको छ ।
बजार परिसूचकमा सामान्य गिरावट भए पनि कारोबार रकम भने आज तीन अर्बमा सीमित भएको छ । आज नेप्सेमा ५८ लाख २८ हजार ७८३ कित्ता सेयर किनबेच हुँदा तीन अर्ब १२ करोड ५५ लाख ७६ हजारको कारोबार भएको छ । हिमालयन डिस्टिलरीले लिड गरेको छ भने कम्पनीको २६ करोडको सेयर कारोबार हुँदा नबिल बैंकको २५ करोडको कारोबार भएको छ ।
नेप्सेमा आज सामान्य गिरावट भए पनि व्यापार, विकास बैंक, वित्त कम्पनी हाइड्रोपावर, उत्पादनमूलक र अन्य उपसूचक भने बढेका छन् । बजारलाई लिड गर्ने बैंकिङसहित बिमा उपसूचकमा भने गिरावट भएको छ । आज नेप्सेमा १९० कम्पनीको सेयर किनबेच हुँदा ८८ कम्पनीको सेयर मूल्य बढेको छ भने ९४ कम्पनीको सेयर मूल्य घटेको छ ।
