- १२ श्रावण २०८३, मंगलवार / Jul 28, 2026
पनौती । पनौती नगरपालिका वडा नं २ कुसादेवीले पर्यटन प्रवद्र्धन गर्न साइकल प्रतियोगिता सम्पन्न गरेको छ । वडाले पर्यटन विकासमा टेवा पुग्ने हिसावले २ किलोमिटरको दुरीमा साइकल प्रतियोगिता शुक्रबार गरेको हो । डाउनहिल साइकल ट्रेल वनाएको ट्रयाक मै प्रतियोगिता सञ्चालन गरेको वडा नं २ का वडा अध्यक्ष पुरुषोक्तम अधिकारीले जानकारी दिए ।
उनले डाउनहिल मनसुन राइकल ट्रयाक अन्तरगत प्रतियोगिता सञ्चालन भएको बताउदै प्रतियोगिताले आन्तरिक पर्यकटहरुलाई पनौती नगरपालिकाका विभिन्न स्थानहरुमा आउन बाध्य पार्ने बनाए । अध्यक्ष अधिकारीले प्रतियोगितामा प्रथम, दोस्रो र तेस्रो हुनेलाई पुरस्कार प्रदान गरिएको जानकारी दिदै पनौती नगरपालिका शाहसिक खेलकुदको हव बन्ने बताए ।
अध्यक्ष अधिकारीले पनौती नगरपालिका वडा नं २ का विभिन्न ठाउँमा साहसिक खेल सञ्चालन गर्न योग्य ठाउँ भएकाले आउदो दशैंसम्म प्यारागलाइडिङ सञ्चालन गर्ने योजना रहेको बताउँदै रक क्लाइमविङका लागि पनि आफूहरु तयारी अवस्थामा रहेको जानकारी दिए ।
कार्यक्रममा वडा नं ३ का वडा अध्यक्ष विष्णु सापकोटाले प्रतियोगिता सुन्दर वातावरणमा भएकाले आफूलाई निकै रमाइलो लागेको बताउँदै पनौती नगरपालिकाका विभिन्न स्थानमा हुने प्रतियोगिताले नगरको सोभा बढाएको तर्क गरे । उनले आगामि दिनहरुमा यस्ता प्रतियोगिता निरन्तर भइरहेने बताए ।
कार्यक्रममा वडा नं २ का वडा सदस्य रमेश बजगाईले प्रतियोगिता गर्न पाउँदा खुशी लागेको बताउँदै पनौती नगरपालिका वडा नं २ को कर्णालीका रुपमा चिनिएको गुर्दुमडाडा पर्यटकीय हवको रुपमा चिनिदै गएको जानकारी दिए । बजगाईले पर्यटकीय सम्भावना बोकेको यो क्षेत्रलाई अझै विकास निर्माणको क्षेत्रमा पनि अधिबढाउँन आफूहरु लागि पर्ने बताए ।
प्रतियोगितामा २० जना प्रतियोगिको सहभागिता रहेको थियो । प्रतियोगितामा प्रथम स्थान हासिल गर्ने राजेश मगर, दोस्रो स्थान हासिल गर्ने क्रिष अशोक किली र तेस्रो स्थान हासिल गर्ने ग्याल्जेन शेर्पा लगायत अन्य प्रतियोगिलाई पनि पुरस्कृत गरिएको थियो ।
