पाँचथरमा दुर्घटना हुन्दा एक जनाको मृत्यु

पाँचथर । पाँचथरमा जीप दुर्घटना हुँदा एक जनाको ज्यान गएको छ । अन्य ९ जना घाइते भएका छन् । फालेलुङ–८ लुवाफुबाट सदरमुकाम फिदिमका लागि छुटेको मे १ ज २९५८ नम्बरको जीप आइतबार बिहान दुर्घटना हँुदा दुर्घटनामा पाँचथरको फालेलुङ गाउँपालिका–८ का ३० वर्षीय साजन केरुङको घटनास्थलमै ज्यान गएको हो ।

दुर्घटनामा चालक छविअधिकारीसहित ९ जना घाइते भएका छन् । घाइतेमध्ये दुई जनाको अवस्था गम्भीर रहेको छ । घाइते तीन जनालाई उपचारका लागि झापा रेफर गरिएको प्रहरीले जनाएको छ।

घाइते ६ जनाको पाँचथर अस्पतालमा उपचार भइरहेको छ। दुर्घटनाको कारण खुल्न नसकेको जनाइएको छ ।