बस दुर्घटना हुँदा पाल्पामा एक जनाको मृत्य, ३५ घाइते

पाल्पा । तानसेन बुटवल सडक खण्डको तिनाउँ गाउँपालिका–५ जोरधारामा बस दुर्घटना हुँदा एक जनाको मृत्यु भएको छ । बुटवलबाट बाग्लुङको बुर्तिबाङ तर्फ जाँदै गरेको लु १ ख ५९५६ नम्बरको बस आइताबार दुर्घटना हुँदा एक जना महिलाको उपचारको क्रममा मृत्यु भएको प्रहरीले जनाएको छ ।

रुपन्देही देवदह नगरपालिकाकी ३६ वर्षीय राधिका पौडेलको मृत्य भएका जिल्ला प्रहरी कार्यालय पाल्पाले जनाएको छ । दुर्घटना परी ३५ जना यात्रु घाइते भएका छन् । बस तीव्र गतिमा रहेको र मोडमा साईड नकटेका कारण दुर्घटना भएको प्रारम्भिक अनुसन्धानमा देखिएको जिल्ला प्रहरी कार्यालय पाल्पाले जनाएको छ ।

घाइतेको उद्धारमा प्रहरी, नेपाली सेना, सशस्त्र प्रहरी र स्थानीयवासीहरु जुटेर तत्काल उद्धार गरेर लुम्बिनी मेडिकल कलेज पठाएका थिए भने घाइतेहरुको लुम्बिनी मेडिकल कलेज प्रभासमा उपचार भइरहेको छ । घाइते भएका मध्ये ५ जनाको अवस्था गम्भिर रहेको र अन्यको हातखुट्टा र टाउको, छातिमा चोटपटक लागेको जनाइएको छ ।