पाँच दलीय सत्तारुढ गठबन्धनको बैठक बस्दै

काठमाडौं । पाँच दलीय सत्तारुढ गठबन्धनको बैठक प्रधानमन्त्रीको सरकारी निवास बालुवाटारमा शनिबार बिहान ९ बजे बस्दैछ । गठबन्धनको बैठकमा आगामी निर्वाचन लगाएतका विषयमा छलफल हुने बताइएको छ ।

गठबन्धनको आजको बैठकले स्थानीय तह निर्वाचन, संघीय संसद र प्रदेशसभाको चुनावका बारेमा स्पष्ट धारणा बनाउने आकलन गरिएको छ । यसअघि गठबन्धन सम्बद्ध दलहरुबीच स्थानीय तहको निर्वाचनलाई केही पर धकेलेर यसअघि संघीय र प्रदेश तहको निर्वाचनको गर्ने बहस चलिरहेको थियो ।

आगामी चुनावका बारेमा शुक्रबार प्रधामन्त्री शेरबहादुर देउवाले नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र नेकपा एकीकृत समाजवादीका अध्यक्ष माधव नेपालसँग छलफल गरेका थिए।

उक्त बैठकमा तीन शीर्ष दलका नेताहरुले स्थानीय तहको निर्वाचनको मिति र ऐन संशोधनलगायतका विषयमा छलफल गरेको एक स्रोतले जानकारी दिएको छ।

गठबन्धनका शीर्ष नेताहरूले भने स्थानीय तहको निर्वाचन ६ महिनापछाडि धकेलेर पहिले संघको चुनाव गर्नेबारे छलफल चलाइरहेकाले दलहरूबीच साझा धारणा बनाउन आजको बैठकले सहज हुने बताइएको छ ।