- १२ बैशाख २०८३, शनिबार / Apr 25, 2026
मुख्य बुँदा
पेट्रोलियम आयातबाट ६० अर्ब ३८ करोड राजस्व सङ्कलन
गत वर्षको तुलनामा राजस्व वृद्धि
वीरगञ्ज नाकाबाट १ खर्ब ४८ अर्बभन्दा बढीको आयात
डिजेल, पेट्रोल र एलपी ग्यास प्रमुख आयात वस्तु
भन्सार राजस्वमा सकारात्मक वृद्धि देखियो
पर्सा, १२ बैशाख । चालु आर्थिक वर्षको प्रथम नौ महिनामा पेट्रोलियम पदार्थ आयातबाट रु ६० अर्ब ३८ करोड राजस्व सङ्कलन भएको छ । गत आवको सोही अवधिमा रु ५७ अर्ब ५३ करोड राजस्व प्राप्त भएको थियो ।
वीरगञ्ज भन्सार कार्यालयका सूचना अधिकारी उदयसिंह विष्टका अनुसार वीरगञ्ज नाकाबाट उक्त अवधिमा रु एक खर्ब ४८ अर्ब १६ करोड बराबरका पाँच किसिमका पेट्रोलियम पदार्थ आयात गरेर उक्त रकम राज्यकोषमा दाखिला भएको हो ।
उक्त अवधिमा आठ लाख आठ हजार सात सय ४५ किलोलिटर डिजेल, तीन लाख ५९ हजार आठ सय ४६ किलोलिटर पेट्रोल २२ करोड ४८ लाख ७५ हजार दुई सय ६६ किलोग्राम एपपी ग्यास आयात भएको छ ।
