कलङ्कीबाट स्रोत नखुलेको रकमसहित २ जना पक्राउ

मुख्य बुँदा 

कलङ्कीबाट स्रोत नखुलेको रकमसहित २ जना पक्राउ

पक्राउ पर्नेमा सचिन्द्र पण्डित र राजीव ठाकुर

 बरामद नगद ५ लाख ७१ हजार ५ सय ९० रुपैयाँ

प्रहरी वृत्त कालिमाटीले नियन्त्रणमा लिएको

थप अनुसन्धान जारी

काठमाडौँ, १० बैशाख । काठमाडौँमा स्रोत नखुलेको रकमसहित दुई जना पक्राउ परेका छन्। काठमाडौँ महानगरपालिका–१४ कलङ्कीबाट बुधबार राति स्रोत नखुलेको नगद ५ लाख ७१ हजार ५ सय ९० रुपैयाँसहित उनीहरूलाई प्रहरीले पक्राउ गरेको हो।

पक्राउ पर्नेहरूमा काठमाडौँको कीर्तिपुर बस्ने बारा घर भएका २१ वर्षीय सचिन्द्र पण्डित र रौतहट घर भएका २८ वर्षीय राजीव ठाकुर रहेका छन्।

प्रहरी वृत्त कालिमाटीबाट खटिएको टोलीले उनीहरूलाई उक्त रकमसहित नियन्त्रणमा लिएको हो। पक्राउ परेकामाथि हाल आवश्यक अनुसन्धान भइरहेको प्रहरीले जनाएको छ।