- १२ कार्तिक २०८३, बिहीबार / Oct 29, 2026
काठमाडौं । प्रधानमन्त्री प्रचण्ड बालकोट पुगेका छन् । बुधबार बिहान एमालेका अध्यक्ष केपी शर्मा ओलीलाई भेटेर छलफल गर्न प्रचण्ड बालकोट पुगेका हुन् ।
ओली र प्रधानमन्त्री प्रचण्डले विश्वासको मत दिन रेशम चौधरीमाथि दबाब दिन छलफल बढाएको सचिवालयले जनाएको छ । एमाले अध्यक्ष ओलीले यसअघि माघ महिनाभित्रै रेशम चौधरीको रिहाइ गर्ने प्रतिवद्धता जनाएका थिए ।
सुदूरपश्चिम सरकार बन्ने बेला र सभामुख निर्वाचनका बेलासमेत ओलीले एक महिनाभित्र रिहाइ गर्ने बताएका थिए । तर ओलीले दिएको समयसीमामा रिहाइ नभएको भन्दै नागरिक उन्मुक्ति पार्टीका नेताहरू संशकित बन्दै विश्वासको मत नदिने अभिव्यक्ति दिएका छन् ।
बालकोटमा पुस १० मा दाहाल प्रधानमन्त्री हुने र राष्ट्रपति एमालेले लिने मुख्य सहमित भएको दुवै पार्टीका नेता स्वीकार गर्छन् । सभामुख आधा–आधा कार्यकाल लिने सहमति भएको थियो।
जस अनुरूप एमालेबाट देवराज घिमिरे सभामुख भएका छन्। प्रधानमन्त्री र सभामुखमा सम्झौताअनुसार परिणाम पनि आइसकेका छन्। तर, अब राष्ट्रपतिका विषयमा भएको सम्झौता के हुन्छ भन्ने चर्चाको विषय बनेको छ।
