- २५ आश्विन २०८३, आईतवार / Oct 11, 2026
२४ असार २०७७ रूकुम । पर्व गृहमन्त्री जनार्दन शर्मा प्रभाकरको निर्वाचन क्षेत्रमा यस्तो घटना भन्दै एक महिलाइ निर्घात कुटपिट गरेको भिडियो सामाजिक सन्जालमा भाइरल भएको छ । रूकुम सोतीमा दानवीय प्रवृतिको घटना चरमउत्कर्षमा पुगेका बेला जनार्दन शर्माकै नगरपालिका कर्णाली प्रदेशको रुकुम पश्चिम आठविसकोट नगरपालिकामा प्रहरीबाट एक महिला निर्घात रुपमा कुटिएकी छन् ।
पशुजस्तै गरी बर्दिधारी प्रहरीले आफ्नो मर्यादा विपरित महिलालाइ मरणाशन्न हुनेगरि कुटपिट गरेका छन् । जिल्लाबाहिरबाट आएर हेल्प डेस्कमा प्रहरीलाई दुर्व्यहार गरेको आरोपमा महिलामाथि कुटपिट भएको हो । घटना जेठको भएपनि अहिले घटनाबारे भिडियो सामाजिक सञ्जालमा भाइरल भएपछि प्रहरीले अनुसन्धान थालेको जिल्ला प्रहरी कार्यालयका प्रमुख डीएसपी ठगबहादुर केसीले बताए ।
महिला कुटपिटमा संलग्न एक जना हवल्दार दुर्घटनामा घाइते भएर प्रहरी अस्पतालमा उपचाररत् छन् । अन्य दुई जना प्रहरी जवानलाई जिल्लामा तानेर आन्तरिक छानविन थालिएको केसीको भनाइ छ । आठविसकोट नगरपालिकाको नगर प्रहरीमा कार्यरत प्रहरी जवानले पटकपटक ती महिलालाई लाठी हानेको भिडियोमा देखिन्छ ।
भिडियो सार्वजनिक भएपछि महिला प्रहरीलाई निलम्बन गरेर छानविन थालिएको नगर प्रमुख गोर्खबहादुर केसीको भनाइ छ । आचरण विपरित कार्यमा दोषी ठहरिए कानून अनुसार कारबाही गरिने उनको भनाइछ । कुटपिटको घटना नगरपालिकासँगै जोडिएको नगर प्रहरी कार्यालयको भान्सा अगाडि भएको हो ।
