थप २५५ जनामा कोरोना भाइरसको संक्रमण, नेपालमा संक्रमितको संख्या १६४२३ (भिडियो)

२४ असार २०७७ काठमाडौं । नेपालमा पछिल्लो २४ घण्टामा थप २५५ जनामा कोरोना भाइरसको संक्रमण देखिएको छ । देशका विभिन्न प्रयोगशालामा गरिएको परीक्षणका क्रममा थप २५५ जनामा कोरोना भाइरसको संक्रमण पोजेटिभ देखिएको हो । आज थपिएका २५५ सहित नेपालमा संक्रमितको संख्या १६ हजार ४ सय २३ पुगेको स्वास्थ्य तथा जनसंख्या मन्त्रालयका प्रवक्ता डा.जागेश्वर गौतमले बताए । कुल संक्रमितमध्ये ३५ जनाको मृत्यु भएको छ ।

भिडियाे…

https://www.facebook.com/Kailashkhabarnews/videos/959750047786486/

कर्णाली प्रदेशमा १५५० संक्रमितमा १२९१ निको भए
कर्णाली प्रदेशमा कोरोना भाइरस संक्रमित निको हुने क्रम बढ्दो छ । प्रदेशमा हालसम्म १ हजार ५ सय ५० जनामा कोरोना भाइरसको संक्रमण देखिएकोमा १ हजार २ सय ९१ जना संक्रमणमुक्त भएका छन् । प्रदेशमा हाल सक्रिय संक्रमितको संख्या २ सय ५३ रहेको सामाजिक विकास मन्त्रालयले जनाएको छ। मन्त्रालयका अनुसार प्रदेशमा संक्रमितमध्ये हालसम्म ६ जनाको मृत्यु भएको छ ।

सामाजिक विकास मन्त्रालयको स्वास्थ्य सेवा महाशाखाका अनुसार आज सुर्खेत, दैलेख र मुगुमा गरी २० जनामा संक्रमण देखिएको छ । संक्रमण देखिएका सबै स्वास्थ्यकर्मीको सम्पर्कमा रहेको जनाइएको छ ।आज सर्खुेतमा १३, दैलेखमा ५ र मुगुमा २ जनामा संक्रमण देखिएको हो । आज थप भएकासहित प्रदेशमा संक्रमितको संख्या १ हजार ५ सय ५० पुगेको हो ।