- २८ श्रावण २०८३, बिहीबार / Aug 13, 2026
काठमाडौं । ७० करोड घुस काण्डमा मुछिएकाले पूर्व संचारमन्त्री गोकुल बास्कोटालाई सांकेतिक कारवाही गरिएको विप्लव नेतृत्वको नेकपाले जनाएको छ । सेक्युरिटी प्रेस मेसिन खरिद प्रकरणमा घुसकाण्डको अडियो सार्वजनिक हुँदा हुदै प्रधानमन्त्री केपी ओलीले कारवाही गर्नुको सट्टा उल्टै बचाउ गरेकाले जनताको तर्फबाट कारवाही गरिएको नेकपाले बताएको छ ।
यसघि नै बास्कोटामाथि कारवाही गर्ने चेतावनी दिइसकेको जनाउदै उक्त अडियो काण्ड बाहिरिएपछि एक बिज्ञप्ति निकाल्दै नेकपा महासचिव विप्लवले सेक्युरिटी मेसिन खरिद काण्डमा प्रम केपी वलीकै संलग्नता रहेको जिकिर गरेका थिए।
देशको सुरक्षा संवेदनशीलतासँग जोडिएको मुद्दामा प्रम वलीका असली चेलाको यो काण्डले देश नै लज्जित भएको भन्दै यो काण्डमा प्रम वलीकै संलग्नता रहेको ठहर विप्लवको छ । चेतवानी दिएको १५ दिनपछि आज नेकपाले बास्कोटाको घरमा बम विष्फोट गराएको छ ।
