बाढीका कारण दुई वटा माइक्रो बस, दुई वटा पिकअप भ्यान पुरिए

काभ्रे । बाढीका कारण बन्द भएको वीपी राजमार्ग खुलेको छ । बाढीका कारण काभ्रेको रोशी गाउँपालिकाको कालढुंगा र चिउरीबासमा लेदोसहितको बाढीले राजमार्ग अवरुद्ध भएको वीपी राजमार्ग खुलेको हो । लेदोसँगै बाढी आएपछि यात्रु र चालक गाडीबाट ओर्लिएर सुरक्षित ठाउँमा गएको र लेदोमा फसेका गाडीलाई डोजरको सहयोगमा निकाल्ने प्रयास भइरहेको काभ्रे प्रहरीले जनाएको छ ।

लेदोसहितको बाढीले चिउरीबासमा सडकसँगै रहेका क्षेत्रबहादुर लामाको दुई वटा घरमा नोक्सानी पु¥याएको जनाएको छ । कालढुङ्गामा लेदो माटोले दुई वटा माइक्रो बस र दुई वटा पिकअप भ्यान गरी चारवटा गाडी पुरेको छ । लेदोलाई हटाएर गाडी आवतजावत खुलाएको जिल्ला प्रहरी कार्यालय काभ्रेले जनाएको छ ।