बाढीको उच्च जोखिम रहेकाले सचेत रहन आग्रह

काठमाण्डौ । स्याङजा, दाङ, रुपन्देही, पाल्पा र नवलपुरमा बाढीको उच्च जोखिम रहेको बाढी पूर्वानुमान महाशाखाले जनाएको छ । अहिले देशका धेरै ठाउँमा पानी परिरहेकाले अन्य ठाउँ भन्दा ती ठाउँहरुमा बाढीको उच्च जोखिम रहेको महाशाखाले जनाएको हो ।

इलाम, झापा, मोरङ, सुनसरी, मकवानपुर, चितवन, पर्सा, तनहुँ, गुल्मी, अर्घाखाँची, प्यूठान, कैलाली, कञ्चनपुर, डोटी, डडेलधुरा र आसपास भई बहने साना खोला तथा नदीमा पनि जोखिम रहेको महाशाखाले जनाएको छ । काठमाण्डौ उपत्यकासहित देशका धेरै ठाउँमा पानी परिरहेको जल तथा मौसम पूर्वानुमान महाशाखाले जनाएको छ ।

लगातार परेको पानीले केहि ठाउँमा बाढीको जोखिम छ । बाढीको उच्च जोखिम भएका जिल्ला भएर बग्ने खोलामा आकस्मिक बाढी तथा डुवान हुन सक्ने भएकाले नदी आसपासका क्षेत्रमा सतर्कता अपनाउन बाढी पूर्वानुमान महाशाखाले अनुरोध समेत गरेको छ ।