- ९ असार २०८३, मंगलवार / Jun 23, 2026
भक्तपुर । नियति नै ठग्ने भएका सहकारी संस्थाका सञ्चालकहरुबाट बचतकर्ता ठगिएको नेमकिपाका अध्यक्ष नारायणमान बिजुक्छेँले बताएका छन् । सहकारी सञ्चालक इमान्दार नभइदिँदा जनताको अरबौं रकम डुबेको चर्चा गर्दै बिजुक्छेले गलत सहकारी सञ्चालकबाट बचतकर्ता सचेत रहन आग्रह गरे ।
श्री बाराही बचत तथा ऋण सहकारी सस्था लि.को रजत वर्षको समुद्घाटन गर्दै बिजुक्छेँले यस्तो बताएका हुन । संस्थाका जेष्ठ सदस्यहरुलाई सम्मानित गर्दै समाजमा असल सहकारी सस्था पनि छन् भनेर उनले श्री बाराही सहकारीको उदाहरण प्रस्तु गरे ।
सहकारीले सदस्य समुदायलाई राम्रोसँग बुझ्ने गरी जानकारी दिनुपर्ने र सदस्य समुदायले पनि सहकारीको गतिविधि र हिसाव किताव राम्रोसँग हेर्नुपर्नेमा जोड दिए । वर्ष दिनमा एक पटक भेला भएर भोज खाने अनि आँखा चिम्लेर सही छाप मात्रै नगर्न अनुरोध गरे ।
ठग सककारी सञ्चालकका कारण सदस्यहरुको घरखेत समेत चलान भइरहेको उदाहरण दिदै उनले सदस्यहरुले संस्थाको गतिविधिमा नियमित सहभागिता र नियमण गर्नु पर्ने बताए । कुरा नबुझि सही छाप नगर्न भन्दै अध्यक्ष बिजुक्छेँले झुक्याएर सही छाप गराउनेलाई कारबाही जनताले गर्नु पर्ने बताए ।
जागिरको लोभमा स्थानीयका छोरीहरुलाई सहकारीमा काम लगाएर जनताको बचत गराउँदा ती बचत कहाँ लगानी भयो ? के गर्दै छ ? भन्ने जानकारी नराख्दा र सञ्चालकहरुले आफू खुसी लगानी गर्दा जनताको पैसा डुबेको जिकिर गरे ।
भिडियो हेर्न यहाँ क्लिक गर्नुहोस्…
यसविषयमा जानकारी नराख्दा ओरेन्टलमा भक्तपुरबासीको ८० करोड डुबेको भन्दै बास्तबमा समुदायको सहकारी होकी होइन बुझेर मात्र बचत गर्न जोड दिए । यस्तै सहकारी संस्था समुदायमा आधारित हुन नसक्दा समस्या देखिएको कार्यक्रमका विशेष अतिथी नेफ्कुनका अध्यक्ष परितोष पौडेलले बताए ।
बजारमा जसरी हल्ला चल्यो केही सहकारीको तर बाराही साकोसमा त्यस्तो नभएको र अबका दिनमा पनि त्यस्तो नहुने विश्वास व्यक्त गरे । दक्षिण एसियाकै उत्कृष्ठ सहकारी भएको चर्चा गर्दै अध्यक्ष पौडेलले बाराही साकोस देशकै नमूना सहकारी भएको दावी गरे ।
रजत वर्षको अवसरमा आयोजित कार्यक्रममा उनले सम्मानित जेष्ठ सदस्यहरुलाई दोसल्ला ओदाएर सम्मान गरे । यस्तै नेफ्सकुन बागमती प्रदेश अध्यक्ष उद्धव सापकोटा, भक्तपुर जिल्ला बचत संघका अध्यक्ष कृष्ण गोविन्द लाखाजु, राष्ट्रिय सहकारी बैंकका सञ्चालक धुर्बराज विष्ट, भनपा ४ का वडाध्यक्ष उपेन्द्र सुवालले समुदायमा
आधारित सहकारी अभियान र बचारमा चलेका खराब सहकारीको अगाडि बाराही साकोसले उदाहरणीय काम गरेको बारे आ–आफ्ना धारणा व्यक्त गरे । कार्यक्रममा बाराही साकोस स्थापनाको इतिहास बारे चर्चा गर्दै रजत वर्षका विभिन्न कार्यक्रमहरु बारे संस्थाका संस्थापक अध्यक्ष राध्यश्याम सुवालले प्रकाश पारे ।
सो अवसरमा बाराही साकोसका २६६ जना जेष्ठ सदस्यहरुलाई दोसल्ला, प्रमाण पत्रका साथै उपहार दिएर सम्मान गरिएको थियो । संस्थाका अध्यक्ष विश्वराम त्वायनाको सभापतित्वमा भएको रजत वर्ष शुभारम्भ कार्यक्रममा रजत वर्ष मुल समारोह समितिका संयोजक एवं संस्थाका उपाध्यक्ष कृष्णभक्त बोडे,
कार्यक्रम सञ्चालक जनकप्रसाद न्याईच्याई र पुनेन्द्र कुसीले धारणा राखेका थिए । सहकारीहरुको राम्रा र नराम्रा भ्रमलाई मिडियाको माध्यमबाट समाजलाई सही बाटो देखाउन महत्वपूर्ण भूमिका खेलेको भन्दै कैलाश खबर एच.डी टि.भिका सम्पादक रक्तिम दैलेखी,
जनसंचार टि.भि.का सुरेश सैंजु र भादगाउँ टिभिका प्रतिनिधिलाई पनि सम्मान गरिएको थियो । रजत वर्षको अवसरमा उल्यख्य समुदायको सहभागिता रहेको थियो । तस्वीरमा…
