बुहारीले गरिन् सासुको हत्या

धनकुटा । बुहारीको कुटपिटबाट सासुको मृत्यु भएको छ । धनकुटाको साँगुरीगढी– ४ फाक्सिबमा आफ्नै सासुलाई कुटपिट गरी हत्या गरे पछि बुहारी पक्राउ परेकी छिन् । पक्राउ पर्नेमा ३२ वर्षीया विष्णुमाया लिम्बू रहेकी जिल्ला प्रहरी कार्यालय धनकुटाले जनाएको छ ।

गत आइतबार ६३ वर्षीया सासू सुकमाया लिम्बुलाई कुटपिट गरेको र उपचारको क्रममा उनको निधन भए पछि बुहारी विष्णुमायालाई पक्राउ गरिएको प्रहरीले जनाएको छ । घरायसी बिबादमा बुहारीले सासूलाई कुटपिट गरेको अनुसन्धानमा खुलेको छ ।

मृतकको घाँटीमा नीलडाम देखिएको प्रहरीले जनाएको छ । मृतकका भाइ गजेन्द्रले विष्णुमायाविरुद्ध प्रहरीमा किटानी जाहेरी दिए पछि बुहारी विष्णुमायालाई पक्राउ गरिएको प्रहरी निरीक्षक मानप्रसाद श्रेष्ठले जानकारी दिए ।