भक्तपुर अस्पतालको साझामा स्वास्थ्य मन्त्रालयको ताला,औषधी व्यवस्था विभाग मुखदर्शक (भिडियो सहित)

भक्तपुर । भक्तपुर अस्पतालमा विना सम्झौता सञ्चालनमा रहेको साझा स्वास्थ्य सेवामा स्वास्थ्य मन्त्रालयले ताला लगाएको छ । विहिबार आकष्मिक रुपमा स्वास्थ्य तथा जनसङ्ख्या मन्त्रालयले गरेको अस्पताल अनुगमनको क्रममा फार्मासिष्ट विना औषधी विक्रिवितरण गरेको पाइएपछि साझालाई अर्को व्यवस्था नभएसम्म बन्द गर्न अनुगमन टोलीले आदेश दिएको हो ।

अनुगमनका क्रममा अनुगमन टोलीले फार्मासिष्ट विना औषधी विक्रिवितरण गरेको पाइएपछि अर्को आदेश नआउँदासम्म साझा बन्द गर्न निर्देशन दिनुका साथै साझा बन्द समेत गरेको थियो । साझालाई दिएको निर्देशनलाई अटेर गरि पुनः साझा सञ्चालनमा आएको स्रोतले जनाएको छ ।

विगत लामो समयदेखि साझाले सम्झौता नगरि साझा स्वास्थ्य सेवा सञ्चालन गरिरहेको भक्तपुर अस्पतालले जनाएको छ । भक्तपुर अस्पताल र साझाबीच  वेला–वेला विवाद चर्कीने गरेको छ । यस विषयमा औषधी व्यवस्था विभाग मुखदर्शक बनीरहेको आरोप समेत लाग्ने गरेको छ ।