- २७ भाद्र २०८३, शनिबार / Sep 12, 2026
चितवन । भरतपुर अस्पतालको आइसोलेसनमा उपचाररत एक सङ्क्रमित भागेका छन् । आज बिहान ५ बजे महानगरपालिका–१२ का १९ वर्षीय पुरुष भागेको जिल्ला प्रहरीले जनाएको छ ।
भदौ ५ गते कोरोना सङ्क्रमण पुष्टि भएसँगै उनलाई भरतपुर अस्पतालको आइसोलेसनमा उपचारमा राखिएको थियो । चोरीको आरोपमा पक्राउ परेका उनको अनुसन्धान जारी राख्दै परिवारलाई जिम्मा लगाएर अस्पतालको आइसोलेसनमा राखिएको चितवन प्रहरीले जानकारी दिएको छ ।
अस्पतालको आइसोलेसनबाट भागेका उनको खोजी भइरहेको कार्यालयका प्रवक्ता सूर्यबहादुर थापाले बताए । अहिले अस्पतालको आइसोलेसनमा ६८ जना सङ्क्रमितको उपचार भइरहेको छ ।
