भारतको कूटनीतिक नोट : नेपालको नयाँ नक्सामा विरोध

२५ असार २०७७ काठमाडौं । नेपालले लिम्पियाधुरा, कालापानी र लिपुलेक क्षेत्रलाई समेटेर नयाँ राजनीतिक नक्सा जारी गरेको विरोध गर्दै भारतले कूटनीतिक नोट पठाएको छ । प्रत्यायोजित व्यवस्थापन तथा सरकारी आश्वासन समितिको बिहीबार बसेको बैठकमा सभापति रामनारायण विडारीले भारतबाट कूटनीतिक नोट आएको बताए ।

नेपालको नक्सालाई अस्वीकार गर्दै भारत सरकारले असार १० गते कूटनीतिक नोट पठाएको उनको भनाईछ । परराष्ट्र मन्त्रालयले औपचारिक रुपमा नबोलेको भन्दै भारतीय विदेश मन्त्रालयका अधिकारीहरुले सार्वजनिक रुपमा नेपालको दाबी अस्वीकार गरेको बताएका छन् ।