- २२ आश्विन २०८३, बिहीबार / Oct 8, 2026
२५ असार २०७७ काठमाडौं । कर्णाली प्रदेशमा थप ११ जनामा कोरोना संक्रमण पुष्टी भएको छ । प्रदेश अस्पताल, पशुपन्छी रोग अन्वेषण प्रयोगशाला र रुकुमको चौरजहारी प्रयोगशालामा भएको परीक्षणबाट पुष्टि भएको हो ।
पाँच सुर्खेतका, चार रुकुम पश्चिमका र एक जाजरकोट र एक जना दैलेखका रहेको कर्णााली प्रदेश सामाजिक विकास मन्त्रालय स्वास्थ्य सेवा महाशाखाले जनाएको छ । सुर्खेतको वीरेन्द्रनगर नगरपालिकाको वडानम्बर ३, ७ र १२ का एक महिलासहित पाँचजनामा कोरोना संक्रमण देखिएको हो ।
रुकुम पश्चिमको चौरजहारी नगरपालिका ५ का एकजना र वडानम्बर ९ का तीनजना पुरुष संक्रमित भएका छन् । दैलेखको दुल्लु नगरपालिका– ५ की एक महिला र जाजरकोट भेरी नगरपालिका–६ का एकजना पुरुष संक्रमित भएका छन् ।
थप ११ सहित कर्णाली प्रदेशमा १ हजार ५६१ जनामा संक्रमण पुगेको छ । ६ जनाको मृत्यु भएको छ भने कर्णालीमा १ हजार ३२१ जना डिस्चार्ज भएका छन् । २३४ जना अझै आइसोलेसनमा उपचाररत छन् ।
