भ्यू टावरमा अब सरकारले लगानी गर्दैन

काठमाडौं । आगामी बजेटमा भ्यू टावर लगायतका संरचनामा मन्त्रालयले लगानी नगर्ने सहरी विकास मन्त्री रामकुमारी झाँक्रीले बताएकी छन् । बजेटमा अनावश्यक खर्च बढाउने योजना नसमेट्न निर्देशन दिएको बताएकी छन् ।

आर्थिक बर्ष २०७९,०८० को लागि राष्ट्रिय योजना आयोगमार्फत मन्त्रालयमा प्राप्त बजेट सिलिङमाथिको छलफलमा मन्त्री झाँक्रीले यस्तो बताएकी हुन् ।

जनताको मौलिक हकलाई मध्यनजर गर्दै एकीकृत आवास योजनाका कार्यक्रमलाई समेत व्यवस्थित गर्नुपर्ने भन्दै मन्त्री झाँक्रीले राष्ट्रिय मानव अधिकार आयोग, महिला आयोग लगायतका संवैधानिक आयोगहरूको आफ्नै भवन समेत नरहेकाले आयोगका भवनहरू निर्माणका लागि कार्यक्रम बनाएर बजेट व्यवस्था गर्नुपर्ने बताएकी छन् ।