- २७ भाद्र २०८३, शनिबार / Sep 12, 2026
रक्तिम दैलेखी/ भक्तपुर । आफू अनुकूलको नीति, कानून निर्माण गरेर भ्रष्टाचारलाई संस्थागत गर्ने गरिएको भन्दै भ्रष्टाचार नियन्त्रणमा सबैमा सदाचार हुनुपर्ने छलफलका सहभागिले जोड दिएका छन् ।
ट्रान्सपरेन्सी इन्टरनेशनल (टिआई) नेपालले आज भक्तपुरमा आयोजना गरेको भूकम्पपछिको पुननिर्माणमा सदाचार अपनाऔं भन्ने सम्बन्धीको छलफल कार्यक्रममा सहभागि पत्रकार तथा आयोजकले मुलुकमा नीतिगत भ्रष्टाचार भएको निष्कर्ष निकालेको छ । अव भ्रष्टाचार भयो भनेर चुप लागेर बस्न नहुने उनीहरुले जोड दिएका छन् ।
कार्यक्रममा आयोजकका तर्फबाट अधिकृत दिनानाथ भटराईले मुलुकमा भ्रष्टाचार मौलाउँदै गएकोमा चिन्ता व्यक्त गर्दै भ्रष्टाचार निवारणका लागि अझ पत्रकारले अहम भूमिका खेल्नु पर्ने बताए । राजनीतिक दलले पाएको मतका आधारमा राज्यले राजनीतिक दललाई आर्थिक सहयोग गर्न सके नीतिगत भ्रष्टाचारमा कमी आउने उनको धारणा छ ।
सदाचार र निष्ठा सबैको मूलमन्त्र भए पनि नीतिगत भ्रष्टाचार बढ्दै जानु गम्भीर भएको संकेत गरे । नीति नियमले रोकेको काम गर्नु नै भ्रष्टाचार हो भन्दै शक्तिको दुरुपयोग गर्दै भ्रष्टाचारलाई संस्थागत गर्ने काम ठाउँठाउँमा भइरहेको जिकिर गरे । भ्रष्टाचारले मुलुक धरासयी बन्ने हुँदा नीतिगत भ्रष्टाचार नियन्त्रणमा सबै लाग्नु राज्य लाग्नु पर्ने टिआई नेपालका जुनु ढकालले बताइन् ।
भिडियाे हेर्न यहाँ क्लिक गर्नुहाेस्…
कार्यक्रममा पत्रकारहरुले पुन निर्माणमा देखिएका समस्या, चुनौती र समाधानका उपाएका बोरमा सूझाव दिए । भूकम्पले खुल्ला ठाउँ चाहिन्छ भन्ने सिकायो, तर पुन निर्माणले खुल्ला ठाउँ देख्यो कि भवन बनाईहाल्नु पर्ने झनझटिलो कार्य सृजना गरेको, गाउँमा भन्दा सहरमा निजीआवासले समस्या बनाइरहेकोमा चिन्ता व्यक्त गरे ।
सार्वजनिक नीतिमा विदेशीको स्वार्थ र नीति निर्माण तहमा स्वार्थ गाँसिएका व्यक्तिको संलग्नता हुँदा नीतिगत भ्रष्टाचार मौलाउदै गएकाले सबै चनाखो हुनु पर्ने छलफलको निष्कर्ष थियो ।
