- २१ कार्तिक २०८३, शनिबार / Nov 7, 2026
काठमाडौं । छैटौँ संस्करणको महिला साफ च्याम्पियनसिप फुटबल प्रतियोगिता आजबाट सुरु हुँदैछ । त्रिपुरेश्वरस्थित दशरथ रंगशालामा हुने प्रतियोगिताको उद्घाटन युवा तथा खेलकुद मन्त्री महेश्वरजंग गहतराजले गर्ने बताइएको छ ।
उद्घाटन खेलमा नेपालले भुटानको सामना गर्दैछ । खेल नेपाली समयअनुसार साँझ ५ बजे सुरु हुनेछ । साविक उपविजेता नेपाल आज भुटानलाई हराउँदै सुखद सुरुवात गर्ने योजनामा हुनेछ ।
महिला साफ साफ खेलमा नेपाल तीनै खेलमा विजयी भएको छ । नेपाल र भुटानले सन् २०१४ को साफमा पहिलोपटक एकअर्काको सामना गरेका थिए । पाकिस्तानमा भएको सो खेलमा नेपालले भुटानलाई ८–० ले हराएको थियो ।
सन् २०१६ मा भारतले आयोजना गरेको साफमा पनि नेपाल ८–० ले विजयी भयो । पछिल्लोपटक सन् २०१९ मा विराटनगरमा खेल्दा नेपाल ३–० ले विजयी भएको थियो ।
प्रतियोगितामा आयोजक नेपाल, भारत, श्रीलंका, भुटान, बंगलादेश, पाकिस्तान र माल्दिभ्सको सहभागिता छ ।
