- २७ जेष्ठ २०८३, बुधबार / Jun 10, 2026
काठमाडौं। नेकपा माओवादी केन्द्र र नेकपा माओवादी समाजवादीबीच एकता वार्ता सम्पन्न भएको छ ।
पेरिसडाँडामा भएको उक्त वार्तामा माओवादी केन्द्रका उपाध्यक्ष एवम् पार्टी एकता वार्ता समितिका संयोजक कृष्णबहादुर महरा र उपमहासचिव एवम् समितिका सदस्य गिरिराजमणि पोखरेल तथा माओवादी समाजवादीका अध्यक्ष कर्णजित बुढाथोकी (सुशील) र उपाध्यक्ष उपाध्यक्ष तिलक मगर सहभागी भएका थिए ।
वार्तामा दुई पार्टीको एकताका वैचारिक आधारबारे खुलेर छलफल भएको र छिटै एकता गरेर अगाडि बढ्ने सहमति भएको छ ।
बुढाथोकी र मगर दुबै माओवादी तर्फबाट संविधानसभा सदस्य थिए । माओवादी केन्द्र र एमालेबीचको एकताप्रति असहमत भएर गोपाल किराँतीले माओवादी केन्द्र नाममै राजनीतिक सक्रियता जारी राखेपछि उनीहरू दुबैजना किराँती समूहमा सहभागि थिए।
