- १० असार २०८३, बुधबार / Jun 24, 2026
रुकुम पश्चिम । मापदण्ड विपरीत गुणस्तरहीन काम भएको भन्दै रुकुम पश्चिममा डोजर लगाएर सडक भत्काइएको छ । आठबिसकोट नगरपालिकाले आफ्नै पालिकाको केन्द्र रहेको राडी बजारमा निर्माणाधीन सडकमा डोजर लगाएर भत्काएको हो ।
अनुगमनको क्रममा मापदण्ड विपरीत निर्माण भएको भेटिएपछि सोमबार डोजर लगाएर सडक भत्काइएको हो । आठबिसकोट नगरपालिका–९ मा निर्माणाधीन राडी बजारदेखि दाजे जोड्ने र पसानेदेखि रामघाट जोड्ने सडक प्राविधिक टोलीसहित अनुगमन गरिएको थियो ।
मेयर रवि केसीले मापदण्ड विपरीत र गुणस्तरहीन काम भएको पाइएपछि निर्माणकै क्रममा रहेको सडक भत्काइएको जानकारी दिए । केसीसहितको टोलीले निर्माणाधीन सडकको आइतवार अनुगमन समेत गरेको थियो ।
