मुग्लिन–नारायणगढ सडक सधैको सास्ती

काठमाण्डौ । हरेक वर्षातको समय मुग्लिन–नारायणगढ सडक खण्ड सधैको सास्ती बन्ने गरको छ । वर्षाका कारण कालीखोलामा पहिरो खस्दा अवरुद्ध भएको नारायणगढ–मुग्लिन सडक एकतर्फी खुलाइएको छ । पहिरोका कारण रोकिएका गाडीलाई गन्तव्यसम्म पठाउनका लागि एकतर्फी सडक खुलाइएको हो ।

चितवनको इच्छाकामना गाउँपालिका–६ मा पर्ने कालीखोलामा बिहान सवा ५ बजेतिर लेदोसहितको ठूलो पहिरो खस्दा सडक अवरुद्ध भएको हो । लगातार ठूलो पानी परिरहेकाले यो सडक खण्डमा थप पहिरोको जोखिम रहेको छ ।

पहिरोका कारण हेटौँडा–काठमाण्डौ जोड्ने कान्ति लोकपथ र हेटौँडा–कुलेखानी–काठमाण्डौ सडक अवरुद्ध भएको छ । कान्ति लोकपथ अन्तर्गत मकवानपुरको बकैया गाउँपालिका वडा नम्बर ११ लामराङमा गएराति पहिरो गएकाले सडक अवरुद्ध भएको प्रहरीले जनाएको छ ।