- १८ असार २०८३, बिहीबार / Jul 2, 2026
काठमाडौं । सत्ता गठबन्धन भित्र राष्ट्रपति र उपराष्ट्रपति छान्न सकस भएसंगै धेरै नेताहरुले आकाँक्षा व्यक्त गरेका छन् । दुई प्रमुख दल नेकपा एमाले र माओवादी केन्द्र का भागमा राष्ट्रपति र उपराष्ट्रपति परेको को छ ।
धेरैले आकाँक्षा राखेका कारण दुबै दललाई राष्ट्रपति र उपराष्ट्रपति छान्न सकस भएको स्रोतको दावी छ । एमालेभित्र अष्टलक्ष्मी शाक्य, युवराज ज्ञवाली र सुवास नेम्वाङको दाबी रहेको छ भने उपराष्ट्रपतिका लागि माओवादी केन्द्र भित्र जयपुरी घर्तीको चर्चा छ ।
घर्ती २०६४ सालको पहिलो संविधान सभा निर्वाचनमा रोल्पा क्षेत्र नं. १ बाट निर्वाचित भएकी थिइन् । २०६९ सालमा मोहन वैद्यलाई रोजेकी जयपुरीको २०७० सालको दोस्रो संविधान सभा निर्वाचन यात्रा रोकिएको थियो ।
रामबहादुर थापा बादल सहितको समूह नेकपा माओवादीमा फर्किंदा जयपुरी पनि माओवादी केन्द्रमा समाहित भएकी थिइन् ।
२०७४ सालको प्रतिनिधि सभा सदस्यमा समानुपातिक सांसद बनेकी उनी सामाजिक विकास समितिको सभापति पनि भइन् । सशस्त्र द्वन्द्वमा श्रीमान गुमाएकी नेतृ हुन ।
