ललिता निवास प्रकरणः पक्राउ परेकालाई थप ७ दिन हिरासतमा राख्ने

काठमाडौं । ललिता निवास जग्गा प्रकरणमा पक्राउ परेका २० जनालाई थप ७ दिन हिरासतमै राख्ने भएको छ ।

उनीहरुलाई थप एक साता हिरासतमै राखेर अनुसन्धान गर्न प्रहरीको केन्द्रीय अनुसन्धान ब्यूरो (सीआईबी) लाई जिल्ला अदालत काठमाडौंले अनुमति दिएको छ ।

बालुवाटारको ललिता निवास सरकारी जग्गा व्यक्तिको नाममा नामसारी गरेको प्रकरणमा सीआईबीले कागजात कीर्ते र संगठित अपराधमा अनुसन्धान गरिरहेको छ ।

उक्त प्रकरणमा भाटभटेनी सुपरमार्केटका सञ्चालक मीनबहादुर गुरुङ, पूर्वनिर्वाचन आयुक्त सुधीरकुमार शाहसहित २० जना लाई सीआईबीको हिरासतमा राखिएको छ ।