विविधताका बीच सुदृढ एकता भएको देश – प्रधानमन्त्री ओली

काठमाडौं । प्रधानमन्त्री केपी शर्मा ओलीले राष्ट्रिय विविधतालाई देश निर्माणमा सदुपयोग गर्न सुझाएका छन् । मैथिली र थारु महिलाहरुले मनाउने जितिया पर्वका अवसरमा शुभकामना दिदै प्रधानमन्त्री केपी शर्मा ओलीले राष्ट्रिय विविधतालाई देश निर्माणमा सदुपयोग गर्न सुझाउनु भएको हो ।

प्रधानमन्त्री ओलीले नेपाल बहुजातीय, बहुभाषिक, बहुधार्मिक र बहुसांस्कृतिक विविधताका बीचमा सुदृढ एकता भएको देश भएको भन्दै यहाँ प्रचलित पर्वहरुका विविधता हाम्रा बहुमूल्य पूँजी भएको शुभकामना सन्देशमा उल्लेख गरेका छन् ।

कोभिड–१९ को विश्वब्यापी महामारीका कारण यसवर्ष हामीले आफ्ना पर्वहरु मनाउँदा घरमै बसेर सावधानी पूर्वक मनाउनु पर्ने अवस्था उत्पन्न भएको बताउदै प्रधानमन्त्री ओलीले आफू सुरक्षित रहंदै जितिया पर्व मनाउन सबैमा हार्दिक आह्वान समेत गरेका छन् ।