शुक्लाफाँटा पर्यटन महोत्सव

शुक्लाफाँटा । राष्ट्रिय निकुञ्जको पर्यापर्यटन प्रवद्र्धन गर्ने उद्देश्यले आइतबारदेखि चौथो शुक्लाफाँटा पर्यटन महोत्सव सुरु भएको छ ।

निकुञ्जको प्रचारप्रसार गरी पर्यटक अभिवृद्धिमा जोड दिनुपर्ने वन तथा वातावरणमन्त्री प्रेम आले मगरले बताए । जैविक विविधता संरक्षणँंगै जनावर र मानवबीचको द्वन्द्व समाधानका लागि वन मन्त्रालयले कार्यक्रम सञ्चालन गर्ने उनको भनाइ छ ।

निकुञ्जभित्र ताल तलैया संरक्षणसँगै पूर्वाधार निर्माणका लागि मन्त्रालयले कार्य अगाडि बढाएको जानकारी दिए । थला परेको पर्यटन व्यवसायलाई चलायमान बनाउने उद्देश्यले महोत्सवको आयोजना गरिएको भीमदत्त नगरपालिकाका प्रमुख सुरेन्द्र बिष्टले बताए ।