सरकारको विरोधमा वीरगञ्जमा पनि कांग्रेसको विरोध प्रदर्शन

वीरगञ्ज । सरकारको विरोधमा नेपाली कांग्रेसले सोमवार पर्साको वीरगञ्जमा पनि प्रदर्शन गरेको छ । वीरगञ्जको घण्टाघरबाट निस्किएको जुलुश शहर परिक्रमा गरी विरोधसभामा परिणत भएको थियो । सभामा नेपाली कांग्रेसका केन्द्रीय सदस्य रमेश रिजालले वर्तमान सरकार जनविरोधी र अधिनायकवादी भएको दाबी गरे । प्रधानमन्त्री केपी शर्मा ओलीले भ्रष्टाचारीको संरक्षण गरेको आरोप पनि उनले लगाए ।

कांग्रेसका तराई मधेश विभाग प्रमुख एवम् केन्द्रीय सदस्य अजय चौरसियाले अहिले भ्रष्टाचारी खोज्न सिंहदरबार र बालुवाटार गए हुने भन्दै वर्तमान सरकारले नै भ्रष्टाचारीलाई संरक्षण गरेको आरोप लगाए । वर्तमान सरकार तराई मधेसका मागप्रति पूर्वाग्रही रहेको टिप्पणी समेत उनले गरे ।