- ७ भाद्र २०८३, आईतवार / Aug 23, 2026
म्याग्दी । पर्यटकीयस्थल सोवाङ धुरीको पर्यटन प्रवर्द्धनका लागि दृश्यावलोकन केन्द्र स्थापना गरिएको छ ।
रघुगङ्गा गाउँपालिका–७ चिमखोलामा अवस्थित उक्त स्थानमा स्थानीय मण्डली युवा क्लबले सक्रियता बढाएको छ ।धौलागिरि आइसफल पदमार्गअन्तर्गत पर्ने पर्यटकीयस्थल सोवाङ धुरीको प्रचारप्रसारका लागि युवा क्लबले प्रवर्द्धन अभियानसमेत सञ्चालन गरेको छ ।
समुद्री सतहदेखि तीन हजार आठ सय ४० मिटरको उचाइमा अवस्थित सोवाङ धुरीमा ‘दृश्यावलोकन केन्द्र’ स्थापना गरिएपछि पर्यटको आगमन हुन थालेको छ ।
धौलागिरि आइसफल पदमार्गअन्तर्गत सोवाङ धुरी एकै ठाउँबाट धौलागिरि र अन्नपूर्ण हिमशृङ्खला अन्तर्गतका दर्जनौँ हिमाललाई एकै ठाउँबाट अवलोकन गर्न सकिने ठाउँको रुपमा परिचित छ ।
