स्पष्टीकरण जवाफ सहित सात दिनभित्र उपस्थित नभए सेवाबाट हटाइने

काठमाडौँ । २२ प्रहरीलाई सात दिनभित्र सम्पर्कमा आउन नेपाल प्रहरीले आग्रह गरेको छ । सम्पर्कविहीन रहेका एकजना प्रहरी हवलदार, पाँच जना प्रहरी सहायक हवलदार र १६ जना प्रहरी जवानलाई स्पष्टीकरणसहित सात दिनभित्र सम्पर्कमा आउन प्रहरी प्रधान कार्यालयले सूचना जारी गर्दै आग्रह गरेको हो।

प्रहरी नियमावालीको नियम १०९ को देहाय (ख) १ बमोजिम आफू गैरहाजिर रहनुको कारण खोली सन्तोषजनक स्पष्टीकरण जवाफ सहित सात दिनभित्र उपस्थित नभए सेवाबाट हटाइने प्रहरी प्रधान कार्यालयले जनाएको छ ।