७.७ म्याग्निच्युटको भूकम्पसंगै सुनामीको चेतावनी

काठमाडौं । प्रशान्त महासागरमा शक्तिशाली ७.७ म्याग्निच्युटको भूकम्प गएको छ । भूकम्प लोयल्टी द्वीप समूहबाट १० किलोमिटर दक्षिण पूर्वी गहिराइमा गएको बैज्ञानिकहरुले बताएका छन् ।

यसको धक्का न्यूजील्याण्डदेखि इन्डोनेसियासम्म महसुस गरिएको छ । भूकम्पपछि सुनामी आउने चेतावनी दिइएको अमेरिकी भूवैज्ञानिक एजेन्सीले जनाएको छ । यद्यपि भूकम्पले पुर्याएको क्षतिको विवरण भने आइसकेको छैन ।

दक्षिण प्रशान्त महासागरमा ७.७ म्याग्निच्युटको भूकम्प गएपछि सुनामी आएको पुष्टि अष्ट्रेलियाको मौसम एजेन्सीले गरेको छ । सुनामीबाट लर्ड होवे द्वीप जोखिममा रहेको व्यूरो अफ मेट्रोलोजी अष्ट्रेलियाले चेतावनी दिएको छ । भानुआटु र फिजीमा सुनामीको लहर १ देखि ३.३ फुट माथिसम्म आउनसक्ने चेतावनी सुनामी चेतावनी केन्द्रले दिएको छ ।