जंगली हात्तीका कारण रौतहटमा ६ वटा घरमा क्षति

रौतहट । जंगली हात्तीका कारण रौतहटमा ६ वटा घरमा क्षति पुगेको छ । रौतहटको गुजरा नगरपालिका–३ स्थित जंगलसहिया पशुपति टोलमा जंगली हात्तीका कारण उक्त घरमा क्षति पुगेको हो ।

हात्तीले पुर्‍याएको क्षति विवरण संकलन भइरहेको प्रहरीले जनाएको छ । बिहान साढे दुई बजे आएको एक हात्तीले स्थानीय अर्जुन शाही ठकुरी, रामकुमार शाही ठकुरी, श्याम बहादुर महरा, पूर्ण बहादुर महरा, भुटा महरा र हरेन्द्र पासवानको घरमा क्षति पुर्‍याएको प्रहरी चौकी हरिनगर पोखरभिन्डाले जनाएको छ ।