- ३१ आश्विन २०८३, शनिबार / Oct 17, 2026
एजेन्सी । पानीजहाजले ठक्कर दिएपछि अमेरिकाको बाल्टिमोरमा पुल नदीमा खसेको छ । जहाजको ठक्करबाट फ्रान्सिस स्कट पुलको आधा भाग नदीमा खसेको समाचार संस्थाहरुले जनाएका छन् ।
जहाजको ठक्करबाट साढे दुई किलोमिटर लामो नदीमा खसेको र पुलसँगै केही गाडी पनि नदीमा खसेको प्रहरीले जनाएको छ । यो संगै केही व्यक्तिहरु समेत हराएको हुन सक्ने आसंका गरिएको छ ।
थुप्रै गाडी नदीमा खसेकाले मानवीय क्षति हुन सक्ने उल्लेख गरेको छ । अहिले अमेरिकी तटरक्षक र मेरिल्याण्ड राज्यका बहु–एजेन्सीले उद्धार अभियान चलाइरहेका छन् । सिँगापुरको झण्डा अंकित यो जहाज श्रीलंकाको कोलम्बो जाँदै गरेको खबरमा उल्लेख छ ।
सामाजिक सञ्जालमा पोष्ट गरिएका भिडियोमा एउटा जहाजले ठक्कर दिएपछि पुलको ठूलो भाग एक्कासी नदीमा खसेको देखिन्छ । बाल्टिमोर शहरको अग्नि विभागले यो दुर्घटनालाई ठूलो हताहतको घटनाको रूपमा बर्णन गरेको छ ।
